أنا فى حبك خجول

رايح وجاى عليه
عمال تقطع فييه
نفس أقولك حبيبى وروحى كمان وعنيه

قسيت فى حبك كتير
عايش بين اديك أسير
نفسى أجرى عليك وأحضنك من غير ما أخاف من الغير

أنا عايش ومش عايش فى حبك
لا أنا قادر ابعد ولا قادر أقول بحبك

بقيت بشوف عنيك عنيه بتدمع
وأقول بس لمين ومين منى بس يسمع

خجول بكلمة مش قادر أنطقها
بشوف بس عنيكى والنظره بسرقها

كل الناس معاك حلوين ومعايا بس خايف
يا أما حاسس بحبى يا أما لعينى مش شايف
وبعد أحساسك وبعد خجولى أقولك أيه مش عارف
وأنا لو شايف منك تبادل حبى كنت ليه هبقى خايف

أكيد فى فهمانى وانا شايفك
وبتهربى من نظراتى منا عرفك

لما بشوفك قلبى فى حبك ينهار
شارب كاسات فيها مرار
مش بس لحظة ما أشوفك دا كل يوم باستمرار

ونفسى أقول الااااااااااه وحد يسمعنى
يا أما أجرى عليكى وأحضنك ولا حاجه تمنعنى
والخوف وخجلى ليكى كل دا يودعنى
لو حتى أتحرق بنار الحب هقول وأيه يعنى
فى أجمل من كده أحساس يارب تسمعنى

بقلم : مصطفى الدماطى