تحبي تتجوزي فيل بن عيله؟

تصدقوا ان فيه ستات كتيره تتمنى تتجوز فيل او على الاقل تتمنى جوزها يبقى فيه نص صفات الفيل
الحكايه اكيد غريبه بس لما هاتعرفوا الاسباب هتعزروا الستات دي.
في تقريبا 10 اسباب يخلي الفيل احسن من الرجاله كتير وتعالوا نشوفها مع بعض

1-الفيل حيوان مؤدب جدا ولما فيل يقابل فيل يسلموا على بعض بالزلومه في حب
في عالم البشر ما حدش بيسلم على حد غير لو عايز منه حاجه او ليه معه مصلحه

2-[size=25]كل لما الفيل كبر في السن زاد الاقبال عليه من اناث الفيله لان خبرته في الفيلنه بتكون اكتر من الشباب
وطبعا عاش محمد هندي صاحب مقوله (الرجاله كل لما بتكبر بتتهطل)

3-من صفات الفيل الوفاء يعني لما فيل من الفيله يتصاب تلاقي كل عشيرته مجتمعين حواليه وكل واحد نفسه يمد زلومته علشان يساعده
عندنا الراجل يقول وانا مالي
ولما فيل صغير بيتولد تلاقي كل الفيله الكبار يتجمعوا حواليه لحمايته من اي خطر خارجي
في رجاله كتير عندنا بيطفشوا من البيت عشان يهرب من دوشه طفله الجديد

4-الفيل مخلص جدا لمراته ومره في افريقيا صياد ضرب نار على فيله لكن الفيل جوزها جري علشان ينقذها وهرب الصياد بس رجع بعد شهر ولقي الفيله لسه عايشه لان شريكها وحبيب قلبها المخلص كان قاعد يخدمها ليل ونهار ويجيب لها الاكل لحد عندها
ادعي ربنا يكون شريك حياتك زي الفيل المخلص ده

5-الفيل مشهور بقوه التحمل وبيشيل اثقال لمسافات طويله جدا بدون ملل او تعب كمان وهو ماشي بجسمه الضخم وزلومته اللي لطشوا منها فكره المكنسه الكهربائيه بينضف الغابه
تخيلي انتي بقى لو جوزك بيشيل حاجاتك من السوق ويساعدك في شغل البيت

6-الفيل بياكل اي حاجه تقابله خصوصا النباتات والخضروات من غير ما يتامر ويقول ده بحبه وده مش بحبه
الله يرحم صلاح ذو الفقار (كل يوم قلقاس كل يوم قلقاس )

7-الفيل كمان وقور عمره ما بيحب النطيط بسبب وزنه التقيل وتحس انه زعيم وقور وسط عشيرته
ادعي انك تلاقي راجل محترم ووقور مش شاب فافي عمال يطنطط زي القرد

8-الفيل اعصابه هديه وعمره ما بيقعد على قهوه في اي غابه ويحكي كل اسراره العائليه لاصحابه يعني كتوم جدا
تخيلي بقى جوزك وهو بيحكي لابوعلي وابوعباس والحاج صبحي كل حاجه بتعمليها من لحظه ما بتصحي من النوم

9-الفيل كمان نضيف جدا وبيعشق كلمه ميه ودايما تلاقيه واقف تحت الميه البارده علشان كده جلده دايما نضيف وبيلمع
انا اعرف ناس بتفتح الدش في المناسبات بس

10-الفيل كمان هو الحيوان الوحيد اللي ما يخافش ابدا حتي من الاسد شخصيا لانه واثق في نفسه ودبابه مصفحه ضخمه
اكيد نفسك جوزك يكون سبه بن سبع مش فار بن قطه

اظن الاسباب دي كفايه عشان الوحد تتمني ان جوزها يكون فيل

ملحوظه:الموضوع ده مجرد هزار مش اكتر عشان الرجاله مش تزعل مني
[/size]

هههههههههههههههههههههههههههههههههههه
الفيل فعلا احسن
ربنا يستر

جميييييييييييل ياقمر
تسلم ايدك